வர்த்தக செய்திகள்

Vodafone Idea Elon Musk: எலான் மஸ்க் நிறுவனத்துடன் எந்தவிதமான பேச்சுவார்த்தையும் நடத்தவில்லை என வோடபோன் ஐடியா அறிவிப்பு… சரிந்த பங்கு விலை…

பெரும் கடனில் சிக்கியுள்ள தொலைத்தொடர்பு நிறுவனமான வோடபோன் ஐடியா எலோன் மஸ்க்கின் நிறுவனமான ஸ்டார்லிங்குடன் எந்தவிதமான ஒப்பந்தமும் செய்யவில்லை என தெரிவித்துள்ளது. இந்தியாவின் தொலைத்தொடர்பு துறையில் நுழைய் எலான் மஸ்க் நிறுவனம் திட்டமிட்டு இருப்பதாகவும், அதற்காக வோடபோன் ஐடியா நிறுவனத்துடன் இணைந்திருப்பதாகவும் தகவல்கள் வெளியாகின. இதையடுத்து வோடபோன் ஐடியா நிறுவனத்தின் பங்கு விலை கடந்த வாரத்திலிருந்து கிடுகிடுவென உயர தொடங்கியது.

பெரும் கடனில் சிக்கியுள்ள தொலைத்தொடர்பு நிறுவனமான வோடபோன் ஐடியா எலோன் மஸ்க்கின் நிறுவனமான ஸ்டார்லிங்குடன் எந்தவிதமான ஒப்பந்தமும் செய்யவில்லை என தெரிவித்துள்ளது
இந்தியாவின் தொலைத்தொடர்பு துறையில் நுழைய் எலான் மஸ்க் நிறுவனம் திட்டமிட்டு இருப்பதாகவும், அதற்காக வோடபோன் ஐடியா நிறுவனத்துடன் இணைந்திருப்பதாகவும் தகவல்கள் வெளியாகின. இதையடுத்து வோடபோன் ஐடியா நிறுவனத்தின் பங்கு விலை கடந்த வாரத்திலிருந்து கிடுகிடுவென உயர தொடங்கியது.

கடந்த சில மாதங்களாக, ஸ்டார்லிங்க் நிறுவனம்இந்திய சந்தையில் நுழைவதற்கு முயற்சி செய்வதாகவும், அதற்காக மத்திய அரசு வசம் உள்ள வோடபோன் ஐடியா நிறுவனத்தின் 33.1% பங்குகளை மஸ்க் வாங்காலம் என்றும் தகவல் பரவி வந்தன. இந்த நிலையில் அந்த செய்தியை வோடாபோன் நிறுவனம் மறுத்துள்ளது.

வோடபோன் ஐடியா நிறுவனம் ஸ்டார்லிங்க் நிறுவனம் வசம் சென்றால், இந்தியாவின் தொலைத்தொடர்பு துறை மூன்று பில்லியனர்கள் வசம் செல்லும் என கூறப்பட்டு வந்தது. அதாவது மஸ்க், ரிலையன்ஸ் ஜியோவின் முகேஷ் அம்பானி மற்றும் பார்தி ஏர்டெல்லின் சுனில் மிட்டல் ஆகியோர் வசம் இருக்கும்.

இந்தியாவில் டெஸ்லாவின் தொழிற்சாலை தொடங்கப்படுவதை அறிவிப்பதற்காக ஜனவரி 10 மற்றும் 12ம் தேதிகளில் குஜராத் வணிக உச்சி மாநாட்டில் கலந்து கொள்வார் என்றும், அதற்காக அமெரிக்காவில் இருந்து இந்தியா வருவார் என்றும் கூறப்படுகிறது.

இதையடுத்து கடந்த வெள்ளியன்று வோடாபோன் ஐடியா பங்கின் விலை 21% உயர்ந்தது. அதுமட்டும் இல்லாமல் நேற்று மேலும் 6% பங்கின் விலை அதிகரித்தது. எலான் மஸ்க் நிறுவனத்துடன் எந்தவிதமான பேச்சுவார்த்தையும் நடத்தவில்லை என தகவல் வெளியானதை அடுத்து பங்கின் விலை 4% சரிந்தது. கடந்த ஆறு மாதங்களில் பங்கு ஏற்கனவே இரண்டு மடங்கு அதிகரித்துள்ளது.

இரண்டாம் காலாண்டில், நிறுவனத்தின் ஒருங்கிணைந்த நிகர இழப்பு ரூ. 8,738 கோடியாக அதிகரித்தது, அதே நேரத்தில் செயல்பாடுகளின் வருவாய் 0.9% அதிகரித்து ரூ.10,716 கோடியாக இருந்தது.

Leave a Reply

Your email address will not be published. Required fields are marked *